နည်းပညာတက္ကသိုလ်(ရတနာပုံဆိုင်ဘာစီးတီး) ဆယ်နှစ်ပြည့် အမှတ်တရကဗျာ
photo - Su Larb Mon
ချယ်ရီမြေက သူမ
သူမ ရှိတဲ့ ချယ်ရီမြေ
ရင်ခုန်သံတွေ ဖလှယ်ရာ
ခံစားချက်တွေ စီးမျောရာ
မျှော်လင့်ချက်တွေ ရှင်သန်ရာ
အမှတ်တရတွေ တူးဖော်ရာ
ချစ်ခြင်းမေတ္တာတွေ ပြန့်နှံ့ရာ
ပျော်ရွှင်ခြင်းဝမ်းနည်းခြင်းတွေ မျှဝေခံစားရာ
အိပ်မက်တွေ အသက်သွင်းရာ
အဖေမတူအမေကွဲ ညီအစ်ကိုတွေရဲ့ပေါင်းဆုံရာ
သံယောဇဉ်မြူခိုးတွေ ရစ်သိုင်းလွှမ်းခြုံရာ
ဒါမှမဟုတ် အပျံသင်စငှက်ကလေးတွေအတွက်
နွေးထွေးလုံခြုံအေးချမ်းတဲ့ ရင်ခွင်တစ်စုံလား...
သေချာတာကတော့
အိမ်ဝေးတို့ရဲ့ ခေတ္တနားခိုရာ
ငါတို့အတွက် ဖီလင်ပေါင်းစုံရောသမမွှေနေတဲ့
တောင်ကုန်းမို့မို့လေးပေါ်က ဒုတိယအိမ်ပေါ့...
လူတွေရဲ့ မှတ်ညဏ်ဟာ ဆန်းကြယ်သတဲ့
တစ်ချို့ အရာတွေကို မေ့လွယ်ပျောက်လွယ်ဖြစ်ပေမယ့်
တစ်ချို့ အရာတွေကျ အစဉ်ထာဝရ မှတ်မိနေသတဲ့...
ချယ်ရီမြေက သူမ
သူမ ရှိတဲ့ ချယ်ရီမြေက
အမှတ်တရတွေ မှတ်ညဏ်တွေဟာလည်း
ထင်းရှူးတောတွေလိုပဲ ငါတို့အပေါ်
အစဉ်အုပ်မိုးလွှမ်းခြုံနေလေရဲ့။ ။
အောင်သက်ပိုင်
နည်းပညာတက္ကသိုလ်(ရတနာပုံဆိုင်ဘာစီးတီး) တက္ကသိုလ် (၁ဝ)နှစ်ပြည့် အမှတ်တရ ဂုဏ်ပြုရေးဖွဲ့သည်။
နည်းပညာတက္ကသိုလ် (ရတနာပုံဆိုင်ဘာစီးတီး) ဆယ်နှစ်ပြည့် အမှတ်တရ video
နည်းပညာတက္ကသိုလ် (ရတနာပုံဆိုင်ဘာစီးတီး) ဆယ်နှစ်ပြည့် အမှတ်တရ video
Copyright © 2017 by University of Technology (Yatanarpon Cyber City)